भागीरथी ज्ञवाली

- कार्यरत

त्रिभुवन विश्वविद्यालयबाट अर्थशास्त्र र जनप्रशासन विषयमा स्नातकोत्तर उत्तीर्ण गर्नुभएकी सदस्य श्री भागीरथी ज्ञवालीले नेपाल संस्कृत विश्वविद्यालयबाट शिक्षा शास्त्रमा स्नातक तह पनि उत्तीर्ण गर्नुभएको छ। उहाँसँग खानेपानी महसुल निर्धारण आयोगको सदस्यको रूपमा काम गर्नुभएको ४ वर्षको अनुभवको साथ साथै १७ वर्षको प्राध्यापनको अनुभव रहेको छ। सेसन सहकारी संस्थाको अध्यक्षको रूपमा ९ वर्षको कार्य अनुभव रहेकी ज्ञवाली विभिन्न सामाजिक र साहित्यिक संस्थाहरुसँग समेत आबद्धता हुनुहुन्छ। 

विभिन्न पत्रपत्रिकामा आर्थिक र साहित्यिक लेखरचना प्रकाशित गर्दै आउनुभएकी ज्ञवालीका मात्रिगाथा र सतिसाल नामक २ वटा कृति प्रकाशित छन्। विभिन्न सामाजिक र साहित्यिक संस्थाहरुसँग आबद्ध हुनुको साथै सामाजिक र साहित्यिक गतिविधिमा समेत उहाँको संलग्नता रहेको छ। साहित्य विज्ञान प्रतिष्ठान, दधिराम स्मृति प्रतिष्ठान, थोर्गा काठमाडौँ सम्पर्क तथा विकास मञ्च, अर्थशास्त्र शिक्षक समाज, गुल्मेली समाज, ज्ञवाली गुठी, निजामती कर्मचारी श्रीमती संघ आदि संस्थाहरूको आजीवन सदस्य रहेकी ज्ञवालीले साहित्य लेखन र सामाजिक सेवालाई निरन्तरता दिँदै आउनुभएको छ।

चीनको हान्जाउमा आयोजित Seminar on Small Hydropower and Sustainable Development of Rural Communities (5 to 25 September 2019), Organized by National Research Institute for Rural Electrification (NRIRE), भुटानको थिम्पुमा आयोजित Fourth SAARC Regulators Meeting, International Conference on Climate Change, Water Resource and Disasters (Organized by UNESCO), वातावरणसम्बन्धी अन्तर्राष्ट्रिय सम्मेलन, विभिन्न अनुसन्धानात्मक र शैक्षिक तालिमहरूमा सहभागी हुनुभएकी ज्ञवालीले संयुक्त राज्य अमेरिका, कोरिया र मलेसियाको भ्रमण गर्नुभएको छ।