श्री गोकर्ण राज पन्थ

- कार्यरत

त्रिभुवन विश्वविद्यालय, इन्जिनियरिङ्ग अध्ययन संस्थान, पुल्चोक क्याम्पसबाट २०५३ सालमा सिभिल इन्जिनियरिङ्ग सङ्कायमा स्नातक तह उक्तिर्ण हुनुभएका इन्जिनियर श्री गोकर्ण राज पन्थले नेदरल्याण्डको आइएच्ई डेल्फ्ट इन्स्टीच्युट फर वाटर एजुकेसनबाट २०६० सालमा हाईड्रोलोजी एण्ड वाटर रिसोर्सेज विषयमा स्नातकोत्तर उपाधि हासिल गर्नुभएको छ। उहाँले नेपाल बिद्युत प्राधिकरणमा ३ वर्ष तथा बिद्युत बिकास बिभागमा १० वर्ष गरि १३ वर्ष इन्जिनियर पदमा तथा  ५ वर्ष बिद्युत बिकास बिभागमा र ७ वर्ष  ऊर्जा, जलस्रोत तथा सिंचाइ मन्त्रालय गरि जम्मा १२ वर्ष सिनियर डिभिजनल इन्जिनियर पदमा रही करिब २५ वर्ष जलविद्युत एवं उर्जा  क्षेत्रमा काम गर्नु भएको छ l यस क्रममा उहाँले जलविद्युत आयोजनाहरुको अध्यन, डीजाइन, मापदण्ड, निर्देशिका, नीति निर्माण लगायतका बिषयहरुमा अनुभव हासिल गर्नुका साथै विभिन्न राष्ट्रिय तथा अन्तरराष्ट्रिय तालिम तथा सेमिनारमा भाग लिनुभएको छ l लोक सेवा आयोगको सिफारिस (आन्तरिक प्रतियोगिता) मा  नेपाल सरकार मन्त्रिपरिषद्को मिती २०७८ मंसिर १३ को निर्णय अनुसार सुपरिन्टेण्डीङ्ग इन्जिनियर (सहसचिव) मा बढुवा हुनु भएका श्री पन्थले बिद्युत नियमन आयोगको सचिवको भूमिका निर्वाह गरिरहनुभएको छ ।